रंजक माहिती दौरे आणि कार्यशाळांच्या माध्यमातून संग्रहालयाच्या स्थायी संग्रहाशी आणि प्रदर्शनांशी समीक्षात्मक आणि सृजनात्मक पातळीवर परिचित व्हा. सर्व वयोगटांसाठी पर्याय उपलब्ध.

सोन्याच्या आलेपनावर रेखीव छिद्रण आणि नक्षीकामाचा मिलाप घडवत साकारलेल्या शिकारीच्या शाही प्रतिमांकनाचं तजेलदार दृश्य राजस्थानमधील नाथद्वारात साकरलेल्या ह्या पेटीच्या वेष्ठनावर पहायला मिळतं. राजस्थानातील प्रतापगडमध्ये उदयास आलेल्या थेवा शैलीचं हे उत्तम उदाहरण आहे. ह्या पद्धतीत कलावस्तू घडवताना काचेच्या पृष्ठभागाला उष्मा देत, त्यावर कोणत्याही धातू वा चांदीच्या पृष्ठभागाला सोन्याचा मुलामा दिलेलं कलाकाम सांधलं जातं. थेवा शैलीत साकरलेल्या छोटेखानी पेट्या, आभूषणं, विविध वेशभूषांना साजेश्या रेखीव खोचण्या, शाही तबकं, १९व्या-२०व्या शतकाच्या प्रारंभीस, पाश्चात्य बाजारपेठांत खूप लोकप्रिय होती.

२०२३ साली, आंतरराष्ट्रीय संग्रहालय दिनाचं औचित्य साधून, ‘जादूघर’ ह्या प्रदर्शनाची आभासी त्रिमितीय बांधणी प्रस्तुत. गुगल आर्टस् आणि कल्चरच्या सहयोगाने साकारलेली ‘पॉकेट गॅलरी’ सादर करणारं डॉ भाऊ दाजी लाड संग्रहालय हे मुंबईतलं पहिलं संग्रहालय.

संग्रहालयातील संग्रहाविषयी अधिक जाणण्यासाठी आणि संग्रहातील कलावस्तुंचं समीक्षात्मक अवलोकन करण्यासाठी संग्रहालयाच्या आभासी दौऱ्यात सहभागी व्हा! शैक्षणिक संस्थांसाठी आगाऊ नोंदणीसह विशेष दौऱ्याचं आयोजन केलं जाईल.