डॉ. भाऊ दाजी लाड संग्रहालय

म्युझियम कट्टा

दास्तान-ए-रामजी

नेहा कुलकर्णी आणि अक्षय शिंपी

शनिवार, मार्च १५, २०२५ | संध्याकाळी ५ वा.

स्थळ: शैक्षणिक केंद्र, डॉ. भाऊ दाजी लाड संग्रहालयाचं प्रांगण

जन्म-मृत्यूची घडी उलगडू पाहणाऱ्या रामजीची गोष्ट सादर करतील दास्तानगो नेहा कुलकर्णी आणि अक्षय शिंपी.

राहून गेलेलं क्षेत्रावलोकन, ह्या कलाकार रीना सैनी कल्लाट यांच्या सध्या संग्रहालयात सुरु असलेल्या प्रदर्शनात, कलाकार माणसाच्या मदमत्त स्वभावाचं दर्शन घडवून आणतात. नद्या आणि त्याभवतालची संस्कृती, नैसर्गिक आपत्ती, स्थलांतर आणि काहीतरी गमावणं, आणि त्यानंतर आपलं अस्तित्व नव्यानं शोधण ह्या प्रक्रियेला हात घालताना त्या आपल्या भवतालाला आणि आपल्या मनोव्यापारांना जोडत जातात. प्रदर्शनात उपस्थित केलेल्या ह्याच मुद्द्यांना हात घालणाऱ्या ह्या कार्यक्रमासाठी जरुर उपस्थित रहा!

बालदोस्तांसाठी पुस्तकांचा कोपरा

बालदोस्तांसाठी पुस्तकांचा कोपरा हा संग्रहालयाने २०२४ मध्ये सुरू केलेला एक महत्वाचा उपक्रम आहे. आता वाचन हे उत्तम आरोग्यासाठीही चांगलं असल्याचं सिद्ध झालंय, पण मुळात मुलांमध्ये वाचनाची गोडी निर्माण व्हावी, पुस्तकवाचनाची सवय लागावी ह्या उद्देशाने संग्रहालयाच्या प्रांगणातील शांत, हिरव्यागार जागेत स्थित उपहारगृहात लहान मुलांना भावतील अशा निवडक पुस्तकांचा कोपरा साकारण्यात आलाय. पुस्तकांच्या संग्रहामध्ये रंजक आणि शैक्षणिक संग्रहासोबत इतिहास, कला, निसर्ग आणि मुंबई शहरावरील इंग्रजी, हिंदी आणि मराठी पुस्तकांचा समावेश करण्यात आला आहे.

लेखक आणि शिक्षकांसोबत, या उपक्रमाचाच एक भाग म्हणून, महिन्याकाठी पुस्तक वाचन आणि कथाकथनाच्या सत्रांचं आयोजन केलं जातं. बुधवार आणि निवडक सार्वजनिक सुट्ट्या वगळता पुस्तकांचा कोपरा संपूर्ण आठवड्यात सर्वांसाठी विनामूल्य आणि खुला.

संग्रहालयाच्या आवारातून पुस्तकं बाहेर नेता येणार नाहीत.
वेळ: सकाळी १० ते सायंकाळी ०५.३० पर्यंत